Ayuntamiento de Beriain

Beriaingo Udala

Beriaingo Udalak herritarren partaidetzarako gune berri bat jarri du martxan: Haurren Partaidetzarako Foro Iraunkorra. Haurtzarotik herritartasun parte-hartzailea eratu eta etorkizuneko liderrak sortu nahi dituen tresna, lankidetzan egindako lanaren ikuspegitik.

JATORRIA

Foroa Beriaingo Partaidetzarako Plan Estrategikotik dator eta Nafarroako Gobernuaren babesa eta laguntza du.

HELBURUAK

• Haurren ikuspegia udaletxera hurbiltzea.
• Haurren eta Udalaren arteko bi norabideko komunikazio-bide egonkor bat sortzea.
• Haurrak udal-erabakiak hartzean integratzea aurrez ezarritako esparru batean, eta udal-politiketan eragitea.
• Familiak inplikatzea eta ikasleek botere eta erantzukizun handiagoa har dezaten sustatzea.

LANKIDETZA-EREDU BAT

Udala eta Beriaingo Ikastetxe Publikoa proiektuan inplikatu dira eta aktiboki laguntzen dute. Lehen Hezkuntzako 4., 5. eta 6. mailako irakasleak eta ikasleak lanean ari dira Beriainen hobekuntza-premia nagusiak ekartzeko, eztabaidatzeko eta aztertzeko. Udaleko Parte-hartze Batzordea, ikastetxeko zuzendaritza-taldea eta parte hartzeko teknikaria buru direla.

AURRERAPENAK

2022an Foroaren diseinua landu da eta 2023an lehen urratsak eman ditugu. Hainbat prestaketa jardunaldiren ondoren, non 52 ideia proposatu ziren udalerria hobetzeko, ekainaren 7an lehenengo OSOKO BILKURA egin zen. Bertan, gainerako kideen ordezkari diren 14 neska-mutilek 4 proposamen aurkeztu zizkieten zinegotziei.

PROPOSAMENAK

• Jai nagusietako barrakak egokitzea, 9 eta 15 urte bitarteko neska-mutilentzat barrakaren bat egon dadin.
• DJ: adin horietarako musika eta ordutegi espezifikoak sartzea.
• Igerilekuetan jolasak, animazioa eta ekipamendua sartzea.
• Saskibaloiko kantxa bat herrian.

ETORKIZUNA

Lehenengo bi proposamenak Udalak onartu ditu, eta gainerakoak batera landuko dira horien egokitasuna baloratzeko.

Udaren ostean aurrera egingo da udazkenean egingo den osoko bilkuran.

BERIAINGO HAUR FOROAREN OINARRIAK