BERIAINgo
Udala

Eremu batean landaredia aztertzerakoan, kontuan hartu behar da bertako landaredi potentziala, hau da, gizakiaren eragina izanen ez balitz, hazi eta egonkor iraunen lukeena. Bestalde, egungo landaredia eta lurren erabilpena aztertu behar dira, arestian aipatutakoaren aldean oso desberdinak, eragin antropikoa jaso baitute. 

Beriaingo udal barrutiko landaredi potentzial gehiena submediterraneoa da, hariztiz eta ezpelez osatua (Buxo-Quercetum pubescentis). Haritz gehienak Quercus cerrioides dira, eta ondokoak dituzte inguruan: Quercus cerrioides, Buxus sempervirens, Coronilla emerus, Amelanchier ovalis, Anemone hepatica, Acer monspessulanum, Viburnum lantana, etab. Zuhaitz hostoerorkorreko basoa osatzen dute, ez oso iluna. Bertako lurzoruaren azala idortzen da denbora luzean. 

Landaredi potentzialean karraskal ezpelduna gutxiago agertzen da (Quercetum rotundifoliae buxetosum). Baso mediterraneo tipikoaren eta harizti submediterraneoaren arteko trantsizio landaredi mota bat da. Zuhaitzen artean karraska da nagusi. Bere itzalpean ezpela hazten da (Buxus sempervirens), baita beste sasi hostoerorkor batzuk ere. 

Haritzez osatutako landaredi potentzial batetik, lurzorua oso desberdin erabiltzen den egungo egoerara heldu gara. Hartaz, ia zuhaitz guztiak desagertu dira Beriaingo barrutian. Gutxi batzuk ikusten ahal dira; arte unada reliktikoren bat eta makal isolatu batzuk ibaien bazterretan, besterik ez. Eremu txiki batzuk basoberritu dira azken urteotan. 

Nekazaritzak gehienbat erabiltzen du lurra. Lehorreko laboreak landatzen dira; zerealak eta lekadunak tarteka. Labore industrialak -koltza, esaterako- agertu dira.                   

Landarediari eta lurzoruaren erabilpenari dagokienez, ondoko mailak bereizten ahal dira: 

1. Koniferoekin egindako basoberritzea. Pinudi gaztea (Pinus nigra) eta  Pinus sylvestrisekin duela gutxi egindako basoberritzea bertako muinoan.
2. Hostozabalekin egindako basoberritzea. Bi makaldi txiki eta POSUSAren hondakindegian lehengoratu ziren lurrak.
3. Larrea-sastrakadia. Landatu gabeko lurrak, belar eta sasiz estaliak
4. Ibarbasoak. Populus nigraren lerroak dira gehienbat, ibai bazterretan kokatuak
5. Erripak eta ezpondak. Bazterreko lurrak, landatu gabeak, malda pikoan hazten baitira.
6. Lehorreko lurrak. Lehorreko laboreak: zereala, lekadunak, landare industrialak (koltza), etab.
7. Lur ureztatuak. Baratze txikiak, nork bere kontsumoa asetzekoak gehienak.
8. Errege ardibidea. Errege argibideak okupatutako lurrak.
9. Antzua. Potasas de Subiza, S.A.-ren hondakindegiak hartzen dituen lurrak.